ڈائریکٹر انٹرفیتھ ریلیشنز منہاج القرآن انٹرنیشنل سہیل احمد رضا نے پاکستان سمیت دنیا بھر کی مسیحی برادری کو حضرت عیسیٰ علیہ السلام کے یومِ ولادت (کرسمس) کی مبارکباد پیش کرتے ہوئے کہا ہے کہ کرسمس امن، محبت، رواداری اور انسان دوستی کا عالمی پیغام دیتا ہے۔

منہاج القرآن سیکرٹریٹ میں خدمات انجام دینے والے مسیحی ملازمین سے اظہارِ یکجہتی کیلئے انٹر فیتھ ریلیشنز منہاج القرآں انٹرنیشنل کے زیرِ اہتمام کرسمس کی مناسبت سے کیک کاٹا گیا۔ اس موقع پر خرم نواز گنڈا پور، برگیڈیئر (ر) عمر حیات، سہیل احمد رضا، جی ایم ملک، نور اللہ صدیقی، جواد حامد، طیب ضیاء، حفیظ الرحمٰن و دیگر موجود ہیں۔

ڈائریکٹر انٹرفیتھ ریلیشنز منہاج القرآن انٹرنیشنل سہیل احمد رضا نے عالمی کیتھولک چرچ کے روحانی پیشوا پوپ فرانسس کے انتقال پر عالمی مسیحی برادری بالخصوص پاکستانی کیتھولک مسیحی کمیونٹی اور اسلام آباد میں ویٹی کن سٹی کے سفیر آرچ بشپ گرمانو پینموٹ سے اظہار تعزیت کرتے ہوئے آنجہانی پوپ فرانسس کی بین المذاہب مکالمے، امن اور انسان دوستی کے لئے کوششوں کو سراہا۔